Sioned Parry.

Mae Sioned yn gyfreithiwr cysylltiol yn Nhîm Cleientiaid Preifat Lanyon Bowdler, wedi’i lleoli yn ein swyddfa yng Nghonwy. Mae Sioned yn cynghori cleientiaid ar ewyllysiau, cynllunio ystadau, treth etifeddiant, gweinyddu ystadau, Atwrneiaethau Arhosol a chynllunio ffioedd cartref gofal. Mae ganddi arbenigedd penodol mewn cynllunio Treth Etifeddiant ar gyfer ffermwyr a pherchnogion busnesau gwledig, gan weithio’n agos â’r sector amaethyddol i ddarparu cyngor ymarferol a phenodol ar olyniaeth a strwythuro ystadau yn y tymor hir.

Yn rhugl yn y Gymraeg a’r Saesneg, gall Sioned gefnogi cleientiaid yn llawn yn yr iaith o’u dewis.

Ymunodd Sioned â Lanyon Bowdler ym mis Ionawr 2023 a chafodd ei dyrchafu’n gyfreithiwr cysylltiol ym mis Mehefin 2026.

Mae argraffiad 2026 o’r ‘Chambers High Net Worth Guide’ yn cydnabod Sioned fel cyfreithiwr Band 2 yng Nghymru, gan nodi:

• “Mae Sioned yn ymdrin ag amrywiaeth o faterion yn ymwneud ag ewyllysiau, cynllunio treth ac ymddiriedolaethau, a gweinyddu ystadau. Mae cleientiaid yn gwerthfawrogi ei gallu i ddarparu gwasanaethau drwy’r Gymraeg.”
• “Mae gennyf bob hyder yng ngallu, gwasanaeth a gweledigaeth Sioned”
• “Mae Sioned yn hynod effeithlon”

Mae argraffiad 2024 yn ei disgrifio “yn hynod gyfeillgar a phroffesiynol”, gan ychwanegu:

• “Mae Sioned yn rhagorol, ac yn siarad Cymraeg yn rhugl felly gall gynnig hynny i gleientiaid. Mae’n wybodus ac yn dda gyda chleientiaid.”

Astudiodd Sioned y gyfraith ym Mhrifysgol Bangor, gan raddio gyda Gradd Dosbarth Cyntaf yn 2018, cyn cwblhau’r LPC LLM gyda Rhagoriaeth ym Mhrifysgol y Gyfraith yn Nghaer yn 2019. Cymhwysodd fel cyfreithiwr ym mis Rhagfyr 2021 ar ôl cwblhau hyfforddiant mewn cyfraith amaethyddol, tir ac eiddo, y Llys Gwarchod a gwaith cleientiaid preifat, cyn cymhwyso i’r tîm cleientiaid preifat.

Y tu allan i’r gwaith, mae Sioned yn mwynhau treulio amser gyda’i theulu a’i ffrindiau, teithio i wledydd newydd, mynd am droeon hir gyda’i chi, a choginio a phobi.